Julio Granda Zúñiga

Naceu o 25 de febreiro de 1967 e aprendeu a xogar o xadrez aos 5 anos de idade. Aos 13 gañou o mundial infantil de México. Aos 19 obtivo o título de Gran Mestre Internacional, ao gañar os torneos de Bayamo e A Habana 1986. En 1990 obtivo diversos triunfos en España.

A mediados de 1998, tras algunhas actuacións opacas, abandonou o xadrez para pasar á política e tentar ser o alcalde da súa cidade; esa experiencia foi negativa, deixando  a política para dedicarse á agricultura.

Retornou ao taboleiro en 2002. Xogou o campionato peruano, que gañou con facilidade, como preparación para a Olimpíada de Bled.
Gañou o campionato nacional seis veces e durante varios anos foi considerado o mellor xogador en Iberoamerica.
Entre o 14 de febreiro e o 8 de marzo de 2008, disputou o II Torneo Iberoamericano de Xadrez Linares-Morelia, consagrándose Campión Iberoamericano ao vencer na final ao MI  venezolano Eduardo Iturrizaga.

Julio Granda non estuda teoría de aperturas. Afirmou que só leu un libro de xadrez, o terceiro tomo do Tratado Xeral de Xadrez de Roberto Grau. De todolos xeitos, admite ler revistas e repasar o Informador, o que unido á súa excelente memoria e capacidade de asimilación, permitiulle gañar torneos e títulos importantes.

Títulos

Campión do Campionato Mundial Infantil Sub-14 en 1980 (Mazatlán, México).
Campión Panamericano Xuvenil en 1984 (Lima).
Campión da XXI edición do Torneo internacional "Capablanca Memorial" da Habana en 1986.
Campión da XXXVIII edición do Torneo internacional "Capablanca Memorial" da Habana en 2003.
Campión do Torneo "Maxistral Entel" en Chile, 2005.
Campión do IV Torneo Continental de Xadrez en 2007.
En abril de 2007, quedou segundo no I Maxistral Ruy López, de categoría XV ,celebrado en Zafra, España, tras Sargissian.
Campión do Torneo Aberto "Vila de Navalmoral 2007" en Extremadura, España, empatando con Salvador del Río e Hichem Hamdouchi.
Subcampión do XIX Open Internacional de Xadrez “Vila de Roquetas”, superado polo español Elizbar Ubilava.
Campión do II Torneo Iberoamericano de Xadrez Linares-Morelia superando ao MI.  venezolano Eduardo Iturrizaga.
Campión do XVII Torneo Internacional de Xadrez Linares-Baeza superando por coeficiente ao ecuatoriano Carlos Matamoros.
Campión do "V Torneo Internacional de Valladolid" con 7,5 puntos de 8 posibles o 20 de decembro de 2009.
Subcampión da Copa IPD, superado polo seu compatriota Emilio Córdova en 2010.
Campión do 7º Torneo Continental de Xadrez  Mar del Plata 2012.
En maio do 2013 gañou por segundo ano consecutivo o Torneo Continental das Américas.